პარლამენტის თავმჯდომარე ზუგდიდის ტექნოპარკში

 საქართველოს პარლამენტის თავმჯდომარემ, ირაკლი კობახიძემ და პარლამენტის წევრებმა, ზუგდიდის ტექნოლოგიური პარკი დაათვალიერეს.
სტუმრები ზუგდიდის ტექნოპარკის ისეთ ინოვაციურ სერვისებსა და სივრცეებს გაეცნენ როგორებიცაა ფაბლაბის სერვისები: მოდელირება, მატერიალიზაცია, ტრენინგები, კონსულტაციები, სასწავლო ტური, საერთო სამუშაო სივრცე ძლიერი კომპიუტერული ტექნიკით.

ირაკლი კობახიძე და პარლამენტის წევრები „სტარტაპების" პროგრამაში ჩართულ ახალგაზრდებს შეხვდნენ და ინოვაციურ პროექტებზე ისაუბრეს.

ტექნოლოგიურ პარკში სტუმრობისას აღინიშნა, რომ ზუგდიდის ტექნოპარკი განსაკუთრებულ როლს ითამაშებს რეგიონში ახალი ბიზნესისა და ახალი კომპანიების დაარსებაში, არსებული ბიზნესის განვითარებაში, ინოვაციების კომერციალიზაციასა და მაღალანაზღაურებადი სამუშაო ადგილების შექმნაში, ვინაიდან დამწყებ და პატარა კომპანიებს ისეთ რესურსებს სთავაზობს, რომლებიც მათთვის აქამდე ძნელად ხელმისაწვდომი იყო.

Startup Beats
გიორგი არისონი (SHIFT) - StartupBeats